SCIALPINISTICA Altissimo da Brentonico del 21/02/2009

De nef st'am non manca neanca a bassa quota, e vist che i l'ha battu' en sti di', l'Altissimo da Nago, saria propri na bella soddisfaziom portarlo a cà! E allor, accordai con l'Alberto e l'Andrea (che anca se l g'ha en de' scavéz dall'ultima cascata de giàz).... dit... fat! Partìm dopo na veloce colaziom a Mori e cargà la Polo coi assoti, lasando le altre machine al zimiteri, per le 7 sem lì che ne enviém su vers Brentonéc. El report trovà su internet el diseva de partir subit for dal paes, ma el calt de i ultimi tre dì, l'averà si trasformà per bem la nef en bass, ma en n'ha anca còt le traccie....e quindi perdem na bona mezora a deciderne a partir subit a destra dopo el cartèl de fin paes. Entant ariva anca n'altro par de gruppi de scialpinisti col nos stesso dubbio.... su le pèl, e via. La linea de salita, tegnindo presente che po' dovresem tacarne all'itinerario che va su da S.Giacomo (a sinitra), l'è abbastanza chiaro: el noss obiettivo entant l'e' puntar al maso che sovrasta el paess 200 metri sora, quindi con en taiom vers sinistra su per i boschi dovresem riusir a riciaparne co la "normale". Persa la mezora per enviarse su tra i prai a scavalcar recinti, muretti, e qualche toc de strada netada dai contadini che va ai masi sora, finalmente saltém su na dorsale entrà el bosc... tutt a dossetti: eh,eh... sem giusti! Dossetti da discesa de skialp: se n'e' godesti parecchi su per de qi en tei di' passai! Passa' el maso, entrém en tel bosc pu' fitto sulla sinistra, prima en piano, po' passa' na cancellata (e de nef, anca se sem sui 1000 de quota, ghe n'è ben oltre el metro!), ne enfilèm su per en tof che quasi senza ascorzerne el ne porta velocemente a ricongiungerne alla salita de S.Giacomo, propri alla prima curva en tel bosc! Infatti se prima erem demo' 6, tutt de colp ne trovém tra gruppi e gruppi de sciadori che salta su per el bosc. E chi vegno riconosu' e saludà anca da en par de fans del Kepo.it. Po', passà sulla dorsale e sora Malga Campo, vegnim raggiunti dal tipo che evo encrosà l'an passà en tei bar de Riva col Davide, e che l se aggrega fim enzima alla dorsale: l'è drio a nar enzima per studiarse le discese sul versante nord.... quando po' el ritrovém enzima el ne confermerà che le e' ancor massa carghe: meio spetar. Ultima butada, berg Heil e... no saria male nar a veder se el rifugio l'è davert... e st'am seppellì sotto 6 metri de nef el fa propri impressiom! Pero'... de lusso.... en vinti minuti i ne trà su na bona pasta al ragu', na radler media e molà zò le pèl provém a zercar polver en tel canal sotto al rifugio.... eheh.... ben dura trovarla, col vent che ha tirà... l'importante l'è schivar el grostom! E quindi ne buttém a sinistra per riciaparne alla dorsale vers Malga Campo, quindi na volta rientrai en tel bosc... eh eh... el polverom el trovém bem! Po' passà for en velocità le gobette, ne trovém a scivolar entrà i filari de vigne che en te n'attimo i ne porta alla macchina. L'è ormai le una... e cargà la Polo ne fiondém en val.... me vedo zà el vecio en cantier che me speta...




Si parte: all'inizio su nef giazada... ma d'altronde... sem quasi en fondoval!!!


Se guadagna metri puntando dritti al mas col praom giust sora el paess...


...a parte la ravanada sotto a saltar su... tra stradine, recinti e muretti, se pol empontarla dritta e veloce!


Se passa for el toc de bosc e subit ne tachém alla normale che parte da S.Giacomo...


...e qi la conossém bem: se aggira malga Campo...


...se salta sulla dorsale...


Dai Kepo... veloce! Co l'aria fredda che tira, guai calar! se se embruma subit!


Eh, eh... sempre speciale in vetta sopra il Lago di Garda!


Berg Heil scialpinisti! E l'Andrea el l'ha fatta col dé de fèr!


Impressionante come el rifugio l'è stà  seppellì dalla nef!


E adess basta molarla: se la parte alta l'è grosta e sventada... sotto se se la gode propri!


...i dossetti vers Brentonéc l'è na pistaaaa!



Ste pagine l'e' stae cargade volte da visitatori dal 3 de agost 2005